Robert Orya 490 years jail term: Who be ex-Nexim MD wey Appeal Court uphold im 490 years jail term for 2.4 billion naira fraud
Wia dis foto come from, @officialEFCC/X
Published
Read am in 2 mins
Justice Muhammed Danjuma of di Court of Appeal for Abuja don uphold di conviction and sentence of one former Managing Director of Nigeria Export Import Bank (Nexim), Robert Orya, by Justice FE Messiri of di Federal Capital Territory High Court, Abuja.
Di Economics and Financial Crimes Commission (EFCC) make di informate on Tuesday, 8 September.
Orya bin chop conviction and sentence to 490 years imprisonment for bank fraud on Thursday, 5 February 2026.
EFCC bin arraign am for 2021 on a 49-count charge wey include say im obtain money by false pretences, forgery and advance fee fraud to di tune of 2.4 billion naira.
According to EFCC, e bin approach di Appeal Court becos e no dey satisfied wit di lower court judgement.
On Tuesday, two oda Justices, Ntong Festus Ntong and Ele Ejo Enenche deliver di same judgment.
Justice Muhammed say: “I don consider all briefs filed by counsel and I don go through di record of di trial court and adopt am and di issues as formulated by dis appellate court in resolving dis appeal.
“I look each and evri issue and in my final analysis, all di issues wey dey formulated for di determination of dis appeal dey resolved in favour of di respondent and against di appellant.”
Credit: Source link