MAURITANIE : Jamanaɲɛmɔgɔ y’a ɲini wasadenw fɛ u ka kalafili sariyasen kura wote teliya la
A ka dantigɛli dɔ kɔnɔ forobajabaraniso sanfɛ kunu kari, Sierra Leone jamana ɲɛmɔgɔ ye weele bila wasadenw ma, u ka ɲɔgɔnsama-samaw jɔ ka kalafili sariyasen kura wote teliya la. O sariyasen kura in b’a laɲini kalafili labɛncogo ka falen.
A jɛnsɛnna : A falenna :
Sanga 1 Temps de lecture
N’a y’a sɔrɔ ko sariya min bɛ senna nin waati in na, o bɛ kala 55 kɛmɛsarala, o sɔrɔli le kofɔ walasa cɛbɔ dɔ ka sugandi kalafili tako fɔlɔ la iko jamanaɲɛmɔgɔ, sariyasen kura in b’a ɲini dɔ ka bɔ o hakɛ la, k’a kɛ 51 ɲɔgɔn ye kɛmɛsara la.
Ka far’o kan, maraw sigiyɔrɔman 3 kan, cɛbɔ in ka kan ka kala 20 ɲɔgɔn sɔrɔ mara fila kɔnɔ. N’o fɛɛrɛw ma waleya, kalafili tako filanan bɛ sɔrɔ ka bila senkan. Sariya kura in b’a laɲini fana kɛmɛsara la politiki jɔyɔrɔ ‘’ quota’’ 30 ka di musow ma ani jamanadenw bɛɛ damankɛɲɛli la fanga marali hukumu kɔnɔ.
Nin y’a lɔgɔkun damadɔ ye nin hakilijagabɔw bi senna wasabulon kɔnɔ, sariyasen kura in tali ko la, nga bɛnkan tɛ ka sɔrɔ fanga ni fangasinaw cɛ. Fangasina Politikitɔnba ‘’APC’’, ale tɛ ka jɛ ni sariyasen kura in fan dɔ ye. Ko kalaw hakɛ ka to u cogo kɔrɔ la, 55 kɛmɛsara la, yasa ka cɛbɔw diyagoya ka jamanadenw ka dannaya ɲini jamana mumɛ bɛɛ kɔnɔ.
Julius maada Bio kɔni ka kunu dantigɛli la, a ko wasadenw k’u teliya ka sariyasen kura in wote yanni san 2028 jamanaɲyɛmɔgɔ kalafiliw cɛ.
Nga, ale yɛrɛ yamaruyalen tɛ ka tali kɛ a la, sabu a b’a ka sarati filanan ni laban le la nin waati.
Credit: Source link