BURKINA FASO: Sɔrasi 8 ɲɔgɔn bɔnɛna u nin na taratadon Dori ni Essakane sira kan
Burkina-Faso, sɔrasi dɔw bɔnɛna u nin na mugujugu-pɛrɛn dɔ senfɛ. A ko kɛra taratalon Dori ni Essakane sira kan Alkoma dugu kɛrɛfɛ. Seereyaw la, sɔrasi 8 ɲɔgɔn bɔnɛna u nin na. Seerew ka fɔla halisa, binkanni in kɔ, ko jalaki ɲɛsinna dugudenw ma, ka kɛ jatigɛwalekɛlaw ye walima u dɛmɛbaaw. O senfɛ, duguden 40 ɲɔgɔn nintanyanna
A jɛnsɛnna : A falenna :
Sanga 1 Temps de lecture
Burkina Faso, sɔrɔdasiw jalakilen don k’u ye duguden sivili 40 ɲɔgɔn faga Dori ni Essakane sira kan taratadon. Seereyaw la, ko kasaara in kɛra Alkoma dugu de kɛrɛfɛ, ka sɔrɔdasiw to bilasirali la. Ko sɔrɔdasiw ka mɔbili yɛlɛla mugupɛrɛntaw kan, ka sɔrɔdasi 8 ɲɔgɔn bɔnɛ u nin na. Alkoma dugudenw ka fɔ la, ko sɔrɔdasiw ye siviliw jalaki o wale in na, ka kɛ jatigɛwalekɛlaw ye walima u kɔkɔrɔmadonbagaw. Sivili fagalenw ka suturali kɛra kunu. Sivili wɛrɛ minnu tun bɛ bilasira in fɛ, sɔrɔdasiw y’olu fana minɛ k’u bugɔ u ka fɔ la. An ka dɔ ka seereyaw lamɛn.
Burkina jamanaden sivili dɔ ka seereya
Credit: Source link