Burkina Faso ye fɛɛrɛ teliman dɔ ta lakana kologiriyali kama Mali ka binkanniwalew kɔ
Ka kɛɲɛ ni Mali lahalaya ye, binkanni minnu kɛra yen ni dɔgɔkun furancɛ in na AES jamana fila tɔw, Burkina Faso ni Niger, jɔrɔlen don. Olu fana sirannen don binkanni nunu ɲɔgɔn ka na kɛ u ka dugu kɔnɔ. Burkina ye fɛɛrɛ telimanw bila senkan, a ka lakana fɛɛrɛw kologiriya n’a bɛ fɔ “operation WIBGA-2”. Lakana fɛɛrɛ in lawaleyali daminɛna kunu jamana in maraw kɔnɔ.
A jɛnsɛnna : A falenna :
Sanga 1 Temps de lecture
Mali binkanniw kɔ, Burkina Faso lakana tigilamɔgɔw wulila k’u jɔ u sen kan teliya la.
Halini jatigɛwale binkanni famana ka kɛ Ougadougou kɔnɔ, walasa ka kow ɲɛkɔrɔtigɛ, jamana in marabagaw y’u ka lakanafɛɛrɛ (operation WIBGA-2) lawaleyali daminɛ teliya la.
O lakanafɛɛrɛ in bɛna lawaleya jamana mumɛ bɛɛ de kɔnɔ, wa k’a bɛna sinsin jamanadenw yɛrɛ de kan, k’u kumaɲɔgɔnya jamana ka lakana sabatili fɛɛrɛw la.
Ka far’o kan, fɛɛrɛw bilala senkan ka dɔ fara fanga sigibolow ka lakana jɛkuluw hakɛ kan, kɛrɛnkɛrɛnnenya la, minnu bɛ jamana ɲɛmaayaso lakana. Ka far’o kan, kɛlɛkɛminɛ giriman fana dira lakana tigilamɔgɔw ma. Lakana kologirinyara k’u tugu dugu ɲɛmɔgɔ dɔw ka duw kɔnɔ.
O hukumu kɔnɔ, lakanako minisiri ye jamanadenw wele, u k’u yɛrɛ majigi ka lakanafɛɛrɛw labato, ka to kɔlɔsilibolo kan, walasa ka finitigiw ladɔnniya siganawale kow la, n’u sɔmina min na. Kɛrɛnɛkɛrɛnnenya la, minnu bɛ balo caman san, minnu bɛ faratimaminɛnw ni mugupɛrɛnminɛnw san. Mɔgɔ minnu te sɔn k’u ɲagami jama la, minnu te sɔn u ka bugunatigɛsɛbɛnw yira dunanjigisow la. Ani lasɔminifɛɛrɛw caman wɛrɛw.
Credit: Source link