Burkina Faso, wasadenw ka sariya laban talen bɛ sira di jamanadenw ma u k’u sagonan dina sira tagama
Nka o sariya kelen in b’a laɲini diinɛ tɔw ka boɲan. Nga kabini sariya in ko fɔla marabagajɛkulu fɛ, diinɛɲɛmɔgɔ dɔw y’a kɔrɔfɔ kɛrɛnkɛrɛnya la silamɛn dɔw. O yɛrɛ labanna ni ka diinɛɲɛmɔgɔ dɔw minɛ. U dɔw ye Imam Kindo ye. Bi hali n’u te sɔnna ka kuma kɛnɛ kan, diinɛ dɔw nɔfɛmɔgɔw ko sariya in ɲɛsinnen bɛ olu de ma Djeneba Barro
A jɛnsɛnna : A falenna :
Sanga 1 Temps de lecture
Silamɛn diinɛ mɔgɔ dɔw bolo minnu sɔnna ka kum’an fɛ dogo la, marabaaw ka nin sariya in b’olu de kun kan wa k’a bena olu de sɛgɛn kɛrɛnkɛrɛya la, sariya in sen min be delilikɛkɛnɛw bali ka kɛ baara yɔrɔ dɔw la. Nka u k’u b’a jigiya ko don dɔ bena se ko yɛlɛmani bena don sariya in yɔrɔ dɔw la. Ni keretiyɛnn katolikiw hakili sigilen don a ko la, a be fɔ chretien minnu ma ko protestantw olu dɔw fana ko sariya in tara olu de kama.
Sabula, sariya in fan dɔ b’a fɔ ko dan ka sigi mankanw na minnu be kɛ alabatosow kɔnɔ, ani ko sow kana ta ka kɛ alabatosow ye bilen.
Ni nin sariya in bɛnnen tɛ nin mɔgɔ nunu ma, diinɛjɛkuluba minnu be Burkina Faso, hali n’u sɔnnen t’a ma kosɔbɛ, u k’a bena kɛ sababu ye bɛɛ k’i ka diinɛ sira tagama wa fana k’a bena sigiɲɔgɔnya nɔgɔya u ni ɲɔgɔn cɛ. Min ye jamanadenw yɛrɛ ye, bɔlɔlɔ forobakumayɔrɔw kan, u tilannen bɛ fila. Dɔw be ka sariya in fo, dɔw fana be k’a kɔn, bɛɛ ni ka hakilina. Marabaaw kɔni k’u ma sariya in ta ka ɲɛsin diinɛ fosi ma. U k’u b’a fɛ diinɛ kana faranfaranli don jamandenw ni ɲɔgɔn cɛ.
Sabula ko jatigɛwale min be jamana in kɔnɔ, k’a fan dɔ sɔrɔ la diinɛ famuyabaliya fɛ ani diinɛɲɛmɔgɔ dɔw ka wajuliw. O kɔsɔn, u b’a fɛ k’u kɔrɔsi sisan.
Credit: Source link