Continental Postal Services of Hebland

BURKINA FASO: Bɛnbaliya donna Ibrahim Traoré ni Oumarou Yabré ni Farouk Azaria Sorgho cɛ

Burkina-Faso, a b’i ko bɛnbaliya donna jamanakuntigi, kapitɛni Ibrahim Traoré n’a masurunyan mɔgɔ fila cɛ : kɔmandan Oumarou Yabré, gundola-kunnafoniw kafɔ cakɛda ɲɛmɔgɔba ani kapitɛni, Farouk Azaria Sorgho min ye kɛlɛbolo kuluba naninan ɲɛmɔgɔ ye ko “Bataillon d’intervention rapide” (BIR 4).


Ibrahim Traoré, Burkina Faso jamanakuntigi. AP – Sergei Bobylev

Kunnafoni dɔw b’a jira ko sɔrasi ɲɛmɔgɔ fila n’u bolo bɔra baara la ani k’u yɛrɛ lalɔra ka ban. Mɔgɔ minnu bɛ fanga senkɔrɔmadɛmɛ kunnafoniw jɛnsɛnnina, olu kɔni ko bɛn bɛ dugu ɲɛmɔgɔw cɛ. Nka, siga b’u ka fɔla sabu kabini mɛkalo tɛmɛnen na, Yabré ni Sorgho ma ye tuguni kɛnɛ kan. Ka fara o kan kapitɛni Ibrahim Traoré tun y’a yira a ka kɔsa in na kuma ta dɔ senfɛ ko malicɛ fila tɛ ɲɛ dankan kelen na.

Credit: Source link

Comments are closed.